Arnat Lagtingimut ilaasortat ikippallaaqaat

Lagtingimut ilaasortanit maanna 32-usunit pingasut taamaallaat arnaapput, tassa 9,4 procenti. Nunani avannarlerni allani arnat ilaasortat 41 procentip missaaniipput.

Savalimmiuni Naalakkersuisunut ilaasortat tamarmik angutaapput.

-Tamanna demokratiimut sakkortuumik akornusiisinnaavoq. Arnat savalimmiormiut nunanut allanut ilinniagaqariartoreeraangamik uteqqinngitsoortarnerannut tamanna aamma pissutaaqataavoq.

Arnanut ilinniarluarsimasunut Savalimmiunut uternissaq pilerinarneq ajorpoq, Socialdemokrati, partiinullu pituttorsimanngitsumut, Demokratiamut, siulittaasuusoq, Eyðgunn Samuelsen, oqarpoq, arnat angutillu naligiissitaanissaat arnap taassuma sulissutigaa.

Savalimmiormiut arnat qitorniulersinnaasut nunanut allanut nuuttarnerat innuttaasut amerlassusaannut kalluaaginnarani inuiaqatigiit inerikkiartornerannut, ilisimasanut aningaasaqarnermullu, aamma sunniuteqassaaq, Eyðgunn Samuelsen oqarpoq. Arnat ikinnerpaamik arfinillit-arfineq-marluk Lagtingimut maanna qinersinissami qinigaanngippata Eyðgunn Samuelsen pakatsissalluni oqarpoq. Partiit angisuut pingasut arnanik 40 procentinik qinigassanngortitsipput.