Arnat kalaallit Estlandimi sungiusarnermi peqataapput
Peqataasut sungiusarnermi pilersaarusiornerit kiisalu ooqattaasarneq pillugu teoriinik ilinniartinneqarnermi saniatigut sungiusarnerminni rulleskinik, arpannermik, ipunnermillu takutitilluarput.
Miillaaraq Lennerth timersornermini sivisuumik uninngasimagaluarluni ooqataasarnermi takutititsilluarpoq. Nukariillu Berthelsenikkut timersuummi biathlon-nimik taaguteqartumi siornatigut misilittagaqarfiginngisaminni piginnaanneqarluarlutik takutitsipput.
Niviaq peqataasunik arpannermi rulleskimilu tamanit sukkanerpaavoq, Niviarlu peqataasunit tamanit ippunnermi pitsaanerpaalluni.
Ipunneq sisorartartunut sungiusaatigalugu pitsaasuuvoq, qasujaallisaataalluarlunilu.
Nunatsinnit peqataasut pingasut aqutsisuallu Øystein Slettemark sungiusarnermi pissarsiaqarluarlik piumassusermillu annertuumik nassataqarlutik Estlandimit aallarput.
Sungiusarnerneq kalaallinik peqataaffigineqartoq Den Internationale Olympiske Komitemit kiisalu Det internationale Biathlon Forbundimit Estlandimi aaqqissuunneqarpoq.