Arnat juulli pissaaneqarfigisarpaat

Inuppassuit juulli uummammit pisutut meeqqallu juulliattut paasisarpaat. Aap, taamaappormi kisianni aamma arnat juullerisarpaat.

Arnammiukku juulli nuannarivittaraat, aviisip B.T.-p nittartagaani taama allassimasoqarpoq.

Arnat juullilernerani tamaviaalersarput, juullilu ilaqutariit iluanni pissusissamisut iluatsissappat arnat sunannguaq tamaat eqqaamaniarlugulu sulissutigisarpaat.

Taamaattumik juulli arnat pissaaneqarfiattut taaneqarsinnaasoq B.T.-p allaaseraa.

Arnallu pineqartut tassaapput, illit arnaq nammineq, anaanat, qatanngutit arnaq, ukussat, aapparpillu arnaa.

- Arnat amerlanerpaartaasa juulli qanoq aaqqissanerlugu nalunngeqqissaartarpaat, ileqqut maleqqissaarneqartarput, suullu pisiarineqassanersut nalunngeqqissaartarlugit, taamaanngippammi juulli juullerpalaartutut misiginaviannginnamikku, taamaattumik arnat ilaqutariinni kulturikkut kivitsisutut taasariaqarput, taama oqarpoq, tarnit pissusiinik ilisimasalik Pernille Rishøj. Taassuma arnanut tunngasut, arnallu uippakajaartarnerannut tunngasut immikkut ilisimasaqarfigai.

Arnat juulli ajunngeqqissaartumik aaqqikkaangamikku naleqarnerulerlutik misigisarput.

Pernille Rishøj ajunngitsuinnarmik arnat pillugit eqqartuinngilaq, tassamigooq arnat allamik arnamik immaqa sakiminnit ulapinnerminni inangerneqalerlutik misigileriarlutik uippallilertarput, taamaalillutillu pissaaneqarniutileraangamik isasoortarlutik.

Arnat juullimut pikinerini angutit eqqissisimaarnerusarput, meeqqallu isumaginerusarlugit.

- Juullilernerani arnat eqqissisimanerusumik pisarnissartik angutinit ilikkagaqarfigisinnaagaluarpaat, juullisiorluartoqarsinnaagaluarmammi suna tamarmi pisarnermisut pinngikkaluarpalluunniit, Pernille Rishøj oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat