Arnat isikkamik arsaallutik nunatsinni pissartanngorniullutik unammiuaarnerat Nuummi ullumi nangissaaq, semifinalit ingerlanneqassallutik.
Semifinalinut anngunniunnerit kingullersaanni ippassaq ualikkut pisumi, UB-68 Uummannameersoq N-85-ilu Narsameersumut unammimmata, arnat UB-68-imeersut 8-0-imik ajugaapput.
Uummannarmiut taamaalillutik semifinalemi siullermi Nuummeersut NÛK ualeru nalunaaqutaq sisamanut unammissavaat.
Semifinalip aappaani ualeru nalunaaqutaq arfinernut aallartittussami, Nuummeersut allat B-67 Iluliarmiullu I-69 unammissapput.
Arnat arsaallutik pissartanngorniutivinnerat bronzennanniunnerallu arfininngorpat ualikkut pissapput.
Unamminerit taakku radiokkut tv-kkullu toqqaannartumik aallakaatinneqassapput, nalunaaqutaq pingasunut bronzennanniunneq, nalunaaqutarlu tallimanut kuultinnanniunneq.
Angutit nunatsinni isikkamik arsaallutik nunatsinni pissartanngorniunnerat ataasinngorpat Nuummi aallartissaaq.
