Arnat Ilulissani GM-ilerput
![](/sites/default/files/styles/image_934x467/public/article_images/fodbold_630_5.jpg?itok=lv85metc)
Illup iluani arsaannermi arnat Ilulissani pissartanngorniutissapput martsip qiteqqunnerani I-69 aaqqissuisoralugu. GBU-mi siulersuisut taama aalajangerput.
Angutit illup iluani pissartanngorniutissapput Nuummi martsip qiteqqunnerani B-67 aaqqissuisoralugu.
Arctic Winter Games-eqarnissaanut GBU maanna aamma piareersalerspoq nukappissat iligiit marluk niviarsissallu iligiit ataatsit unammiartortinneqassammata illup iluani pissartanngorniunnermut. Toqqaasoqarnissaali sioqqullugu sungiusartitsinissaq aningaasassaqartinneqanngilaq.
Taamaammat klubbit periarfissinneqarput piukkunnartunik siunnersuuteqarnissamut Yukon-imi Whitehorse-mi GM-qarnissaanut.
Arnani sungiusaasutut toqqarneqarpoq Bent Petersen Ilulissaneersoq nukappissani angajullerni Rene Olsen Nuummeersoq toqqarneqartoq. Nukappissat nukarliit sungiusaasorissavaat Kent Kielsen Qaqortumeersoq.