Arnat håndboldertartut U20-t siullermeerlutik VM-imut

Amerikap nunavittaani assammik arsarluni Argentinami unammersuarnerni anngunniullutik apriilimi unamminerminni anngutinngikkaluarlutik, maanna peqataasussanngorput.

Kunngiitsuuffimmi Den Dominikanske Republikimi Puerto Ricomilu arsartartut peqataasinnaajunnaarlutik nalunaarmata, nivissat iluatsitsillutik maanna peqataasinnaanngorput.

Kalaallit nunanut allanut unammisartui U20-t taamaalillutik nunarsuaq tamakkerlugu pissartanngorniunnerni pernaammik peqataasussanngorput.

Koreami pissartanngorniunnissaq juulip qiteqqunneraniit naaneranut pisussaavoq, nunarsuarmilu arsallaqqinnerpaat ilaat, Norge, Frankrig, Tyskland, Serbien aamma Tunesien unamminerni siullerni naapissavaat.

Amerikap nunavittaani assammik arsarluni unamminerni Kalaallit Nunaat normu 6-inngorpoq, taamaattorli nunarsuaq tamakkerlugu pissartanngorniunnissanut ilaassagaanni pikkorinnernut sisamanut ilaasariaqarluni.

Caribiamiilli peqataasinnaajunnaarlutik nalunaartut pissutigalugit maanna peqataasinnaanngorput.

VM-imi naggataarluni pissartanngorniunnerit Korea-mi juulimi pissapput. 17.-31. juuli 2010.