Arnat GM-erneranni iluliarmiut kuultinnattussanngorpasipput
Arnat isikkamik arsaallutik nunatsinni pissartanngorniunnerini unamminerit siulliit ingerlanneqareernerini I-69-ip arnartaasa kuultinnannissaat ilimanartupilussuuvoq. Unamminerit sisamat tamaasa ajugaaffigaat, aamma I-69-ip måliniittua isertitsivigineqannginnera ajorisassaanngivippoq.
Allattoq Peter Troelsen, Simon Uldum
Arnat isikkamik arsaallutik ukiormanna pissartanngorniunnerini holdit tallimaasut unamminerit siulliit naammassilerpaat, taamaaliinnartorlugu kikkut 3-nngussanersut, 2-nngussanersut pissartanngussanersullu takuneqarsinnaalereerpasippoq.
Ukiormanna pissartanngorniutivittussat tassaassapput I-69 NÛK-lu. Unammeeqqaarnerminni I-69 ataatsimik isertitsilluni ajugaavoq. Bronzennanniuttussat tassaapput FC Malamuk Disko 76-ilu. Taakku ullumi unammissapput, kikkullu bronzennassimallutik angerlassanersut tassani aalajangerneqassaaq.