Arnat futsalimi nunanut allanut unammisartut sungiusaqatigeerngaarput
Sapaammi unnukkut Nuummi illorsuaq nuannisarfiulluarpoq.
Futsalimi arnat nunanut allanut unammisartui siullerpaat avannaanut kujataanullu avissinnarlugit unammisoqarpoq.
Toqqarallakkat tallimanngornermiit katersuupput ullormut marloriarlutik sungiusartarlutik.
Sydgrønland:
1. Patricia Simonsen, Nanortalik
2. Vaya Simonsen, Nanortalik
3. Ivaana Lund Mølgaard, Nuuk
4. Ajaana R. Kleemann, Nuuk
5. Emma Sofie Ellehauge, Nuuk
6. Arnaq Bourup Egede, Nuuk
7. Victoria Black
8. Emma Thomsen
9. Pia Jakobsen Siegstad, Sisimiut
10. Rina Lynge, Narsaq
Nordgrønland:
1. Heidi Jensen, Ilulissat
2. Nuunu-Marie Lukassen, Ilulissat
3. Saalat Malakiassen, Uummannaq
4. Karoline Malakiassen, Uummannaq
5. Annica Qvist Jensen, Ilulissat
6. Kristine Nielsen, Ilulissat
7. Paneeraq Fleischer, Ilulissat
8. Maila Clasen, Ilulissat
9. Juaanna Nielsen, Uummannaq
10. Karo Dahl, Qeqertarsuaq
11. Mikkala Tobiassen, Ilulissat
Afbud:
Arnarissoq Møller, Uummannaq
Najaaja Lyberth, Nuuk
Nivi Fly, Nuuk
AAMMA ATUARUK Futsal: I-69ip arnartai pissartanngoqqipput
Arsaalluni unamminermi kujataa pingasoraarluni ajugaavoq avannaa marloraartoq unamminerlu sivitsorneqareersoq aatsaat ajugaasussarsisoqarpoq.
Nuna tamakkerlugu sungiusaasoq Bent Petersen arsartut takutitaannik naammagisimaarinnittoq unammineq naammassisoq KNR-ip naapippaa.
- Arsartut nersualaagassaapput. Ullormut marloriarlutik sungiusaqattaarnikuullutik unamminermi tamaviaarluarput naak ilaat ippigisaqaraluartut, Bent Petersen oqarpoq.
Kalaallit arsaattartut kattuffiat KAK siorna junimi aalajangerpoq arnat futsalimi nunanut allanut unammisartoqalissasut. Sivisuumik arnat kissaatigisaat taamaasilluni piviusunngorpoq.
- Assorsuaq nuannerpoq arnat maluginiarneqalernerat. Ullumi unammisavut pikkoreqaat inuusuttullu arlallit takutitsilluarlutik. Assut siunissamut isumalluarnarpoq, kujataamiut aquttuat Vaya Simonsen oqarpoq.
Taanna aamma apriilimi futsalimi GM-rtoqarmat arsallammanngortoq oqarpoq.
Arnat nunanut allanut unammisartut septemberimi naapeqqissapput kingusinnerusukkullu Danmarkimi pissartat Solrød unamminissaat isumaqatigiissutaareerpoq.
