Arnat assammik arsartartut immikkoortitsisutut pasillerneqartut

Kulturimut tunngasutigut paatsuuineq kalaallit arnat assammik arsartartut Congollu nunanut allanut unammisartuisa akornanni nalimmassartariaqarsimavoq.
Allattoq mlk
juulip 21-at 2010 12:21

Koreami Kujallermi nunarsuarmi pissartanngorniunnerup nalaani immikkoortitsisutut naqissuserneqarsimanertik kalaallit U20-mi unammisartuisa tusaramikku assorsuaq tupaallapput. Kalaallit Nunaanni assammik arsartartut kattuffianni siulittaasoq Boas Møller tusagassiuutitigut nalunaarummi taama allappoq.

Kalaallit arnartaannik Congomiut attuualaarisimanerat kalaallillu nuannarinngisaannik tamanna peqquteqartoq paasinarsivoq.

- Arnat Congomiut allatut isumaqarlutik taama iliorsimasut kalaallit isumaqaleraluarsimapput, inunnilli ilassinnikkaangamik sunaaffa taama pissusilersortarnertik ileqqorigaat kalaallit paasivaat, Boas Møller allappoq.

Paatsuuineq aaqqinneqarpoq maannalu suut tamarmik ajunnginnerpaamik ingerlalerlutik.