Arnat assammik arsartartut bronzennattut
Kalaallit Den Dominikanske Republikimut unamminerminni 22-20-mik ajugaallutik 3-nngorlutik bronzennapput.
Pissanngortanngorniutivinnissamut anngutinngitsoortut
Kalaallit Puerto Ricomut arfininngornermi unnukkut pissanganarluinnartumik unammereerlutik 24-28-mut ajorsarput.
Taamaalillutik kalaallit Mexicomi nunarsuaq tamakkerlugu pissartanngorniunnermut angunniunnerminni pissartanngorniutivinnissamut ingerlaqqinngitsoorlutik.
- Ajoraluartumik ajorsarpugut, unamminerli tamaat qanippugut pissanganarlunilu, nunanut allanut unammisartut ilaat, Sara Biilmann Egede KNR-imut oqarpoq.
- Puerto Ricoli taava siuarpoq. Sukataaraluaqaagut, allatulli ajornaqaaq, Sara Biilmann Egede oqarpoq.
Cuba Puerto Ricolu Japanimi nunarsuaq tamakkerlugu pissartanngorniuunnissamut angunniunnermi pissartanngorniuupput.