Arnat arsaallutik pissartanngorniupput

Arnat isikkamik arsaattartut holdit arfinillit Ilulissani ulluni makkunani unammisaqattaarput, ualeru nalunaaqutaq pingasunut nr. 5-inngorniutissapput Kussak 45 Qasigiannguaneersut aamma Qimmeq 45 Upernavimmeersut.

Nalunaaqutaq tallimanut semifinalimi unammissapput NÛK aamma B 67 tamarmik Nuummeersut.

Pissartanngorniunnerit ataasinngormat julip ulluisa 18-ianni aallartimmata B 67 Nuummeersut aamma Qasigiannguaneersut Kussak 45 unammipput, unamminermi tassani B 67 qulingiluaraarlutik ajugaapput Kussak 45 pingasoraartut.

Qimmeq 45 Upernavimmeersut aamma NÛK ulloq taanna aamma unammimmata NÛK arfineq-marloraarlutik ajugaapput Upernavimmeersut Qimmeq 45 ataaseraartut.

Marlunngormat julip ulluisa 19-ianni unammipput

B 67 Nuummeersut aamma Uummannameersut UB 68, tassanilu B 67 ajugaapput pingasoraarlutik, UB 68 marloraartut.

Qimmeq 45 Upernavimmeersut susaarput I 69-ermiut tallimaraarlutik ajugaasut.

Pingasunngormat julip ulluisa 20-ianni Kussak 45 Qasigiannguaneersut Uummannameersunut UB 68-inut unammigamik UB 68-ermiut pingasoraarlutik ajugaapput akeraat ataaseraartut.

Taavalu NÛK Nuummersut Ilulissaneersunut I 69-imut unammigamik NÛK pingasoraarpoq I 69-ermiut ataaseraartut.

Ajugaaniutivinnerit aqagu ualikkut nalunaaqutaq sisamanut ingerlanneqassapput.