Arnat arlalissuit Frankrigimi naalakkersuisunngorput
Arnat Afrikamit kingoqqisut arlallit amerikamiullu arsariaasiannik rugby-mik sungiusaasoq. Frankrigimi naalakkersuisunngortut ilaatigut tamakkuupput.
Nicholas Sarkozy Frankrigimi præsidentimut maajimi qinersisoqarnerani ajugaagami neriorsuivoq, naalakkersuisuni tassaassasut frankrigimut tunniusimalluartut, naalakkersuisussaminillu ippassaq toqqartuimmat, arlalinnillu aamma nikerartitsilluni, tamanna aamma erserpoq.
Arnat pingasut Afrikamit kingoqqisut kiinnanut nutaanut ilaapput. Arnat atugarisaat pillugit illersuisoq, Fadela Amara, naalakkersuisunut sinniisussanngortunut ilaavoq, arnallu allat marluk Afrikamit Avannarlermit kingoqqisut aamma naalakkersuisunut sinniisussangorput, aappaa inatsinik atortitsinermut naalakkersuisumut sinniisussanngorluni.
Sarkozy naapertorlugu naalakkersuisunngortut suliassaminnut naapertuutissapput, Frankrigilu tassaavoq Europap Kippasissuani nuna nutserfigineqarnerpaaq.
Nunalerinermut naalakkersuisuusimasoq Christine Lagarde aningaasaqarnermut naalakkersuisunngorpoq, Frankrigimilu aatsaavissuaq arnamik taama naalakkersuisoqalerpoq. Amerikamiut arsariaasiannik, rugby-mik, Frankrigimi nuannarineqaqisumut, sungiusaasoq, Brnard Laporte, timersornermut naalakkersuisumut sinniisussanngorpoq.
