Arnat angutinit kusassarnerusarput
Danmarks Radio-p nittartagaa naapertorlugu tuluit nutaamik misissuisitsineranni tamanna erserpoq.
Qallut nutsunnerinut, liibernermut, koorbullu qarleqaraangami nuloqarpallaarnerluni misissuinerminut nalunaaquttap akunneri 3276-init ikinnerunngitsut arnap inuunermini atortarpai.
Avataarsualiartartoq assersuutigissagaanni, taassuma 22-riarluni qaammammukaraangami uterlugulu nalunaaquttap akunneri taama amerlatigisut, tassa 3276-it, atortarpai.
- Timip ilusaata isikkullu pitsaaqutaata erseqqissarusunneqartarnerinut tamanna ersiutaavoq, pinnerneq pillugu aviisimi Womanimi aaqqissuisoq, Maria Lynnerup,Danmarks Radio-p nittartagaa, dr.dk, malillugu oqarpoq.
Tuluit misissuisitsineranni erserpoq, angutit inuunerminni nalunaaquttap akunneri 1097-iinnaat tarrarsuutip saavani atortaraat.
Radioavisi tamaanga naavoq – unnugu 18.30 tutsiuteqqikkumaarpugut, ulloq atorluarisiuttoq.