Arnat angutillu qinigassanngortittut amerlaqatigiipput
Nunatsinni partiit sisamat anginerit, Inuit Ataqatigiit, Siumut, Demokraatit Atassullu qinigassanngortitaqartuupput - Attaviitsut Kattusseqatigiillu Partiiat qinigassanngortitsissanerslutik suli nalunaaruteqanngitsut. Qinigassanngortitsinissamut nalunaarfissaq kingulleq tassaavoq sapaatiuppat tulliani, septembarip ulluisa sisamaanni.
Qinigassanngortittut arnat angutillu maannamut agguataarluarsimaqaat, tassami arnat angutillu tamarmik arfineq-pingasuugamik. Inuit Ataqatigiinni qinigassanngortittuni sisamaasuni arnat pingasuupput, Atassummi killormut, tassa qinigassanngortittunit sisamanit angutit pingasuupput, Siumut Demokraatillu qinigassanngortitaat tassaallutik angutit arnallu tamarmik marluk.
Aqqi taagussagutsigik Inuit Ataqatigiinnit qinigassanngortipput:
Sofia Rossen, Sara Olsvig, Johan Lund Olsen aamma Nikoline Ziemer. Siumumit Doris Jakobsen, Nick Nielsen, Vittus Qujaukitsoq samt Akitsinnguaq Olsen.
Demokraatinit med Niels Thomsen, Ane Lone Bagger, Michael Rosing og Aviaaja Karlshøj Poulsen, Atassummiillu krydsilerneqarsinnaasut tassaassallutik Hans Lyberth, Steen Lynge, Knud Kristiansen imaluunniit Arnannguaq Blytmann.
Folketingimut kingullermik 2007-imi qinersisoqarmat taasisartut procentiat 63,2 procentiuvoq. Qinersisartut 8.300-ngajalluinnaat Inuit Ataqatigiinnik taasipput, Siumukkunnik taasisut hornorujualunnguanik ikinneruinnarlutik. Partiit taakku angisuut marluk taamaalillutik Foketingimi tamarmik ataatsimik issiatitaqalerput, Demokraatit 4.500-nit Atassullu 4.000-ingajannik taaguunneqarlutik Folketingimi issiatitaqalernissaminnut periarfissarsinngilluinnartut.
