Arnat angutillu aningaasanoorajuttut misissuivigilerpaat

Aningaasanoornermik pinngitsuuisinnaajunnaarsimasut arnat angutillu pissusaat assigiinngissuteqarnersut Danmarkimi ilisimatusartut misissuiviginialerpaat.

Aviisi akeqanngitsumik agguaanneqartartoq, Urban, taama allappoq.

Misileraanermi aallarteqqammersumi, ukiullu affaani ingerlanneqartussami, aningaasanoorajuut 20-t nakkutilliisussallu aningaasanoorajunngitsut aamma 20-t, nallukattamik aningaasanik eqquiffiusinnaasumi unammisillugit, qarasaat scannerneqassapput, nallukattamik unamminissaq taaguuteqartinneqarpoq ”The Iowa Gambling Task”.

- Aningaasanoorniaraangamik qarasaani suut aallartittarnersut, taavalu arnat angutillu assigiinngitsumik pissusilersortarnersut, paaserusupparput, Århusip napparsimmaviani nakorsaq, misissuinermilu pisortaasussaasoq,

Arne Møller nassuiaavoq.

- Assigiinngissuseqassappata inuit aningaasanoorajuttut ataasiakkaat, arnat angutillu, qanoq katsorsarneqarnissaat immaqa paasinarsisinnaassasoq, Arne Møller oqarpoq, aamma oqarluni, angutit arnallu assigiinngitsumik aningaasanoortartut.

Angutimmi aallartiaarnerusarput aningaasanillu atuinerusarlutik.

Michael Bay Jørsel, Aningaasanoorajuttut Katsorsartittarfianni pisortaasoq, suliniummut tapersersuivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat