Arnassaaleqivugut

Kalaallit arnartaat angutinit amerlanerusut Danmarkimut nuuttarput. Tamanna misissuinerup Atlantikup Avannaani Suleqatigiit ullumi saqqummiussaani takuneqarsinnaavoq.
Allattoq Elisa Isaksen
juunip 14-at 2011 06:43

Taama inissisimasoqarnera Nunatsinni malugineqarsinnaavoq, tassami arnat Nunatsinni amigaataalermata.

Kalaallit Danmarkimiittut 58 procentii arnaapput, 42 procentillu angutaallutik. Kalaallit arnarpassuit qallunaanut angutinut katissimasut Danmarkimut nuuttarnerat tamatumunnga patsisaavoq. Misissuinermi paasinarsivoq, Nunatsinni arnat tallimaagaangata ataaseq qallunaamik aappaqarluni Danmarkimut nuuttartoq, angutilli pineqaraangata angutit quliugaangata ataaseq qallunaamik aappaqarluni nuuttarluni.

Kalaallit meeraanerminni inuusunnerunerminniluunniit angajoqqaatik ilagalugit nuussimanerat, Danmarkimut nuuttarnerannut patsisaanerpaasutut taaneqarpoq. Patsisaasunut tulliulluni Danmarkimut ilinniariarsimaneq aamma efterskolerneq højskolernerlu.

Atlantikup Avannaani Suleqatigiit naatsorsuinerat najoqqutaralugu, kalaallit Danmarkimiittut kinguaariit pingajui ilanngullugit 18.500-uupput.

Kalaallit Danmarkimiittut pillugit misissuinerit nutaat marluk, Atlantikup Avannaani Suleqatigiit Katuami ullumi nalunaaqutaq tallimanut qiteqquppat saqqummiutissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq