VIDEO Arnaqatiminoortuulluni oqinneruvoq
Anguteqatinoortuniit arnaqatinoortuulluni oqinneruvoq, atoqatigiinnermut tunngasunik immikkut ilinniagalik, Ulrikka Holm taama naliliivoq.
Allattoq Andrea Christiansen
maajip 21-at 2015 16:33
Nunatsinni kisimi taamaanngitsut, nunarsuulli annersaani taamatut inissisimasoqartoq, taassuma erseqqissaatigaa.
- Anguteqatiminoortut paqumigineqarnerupput oqaluuserissallugit. Nunatsinnilu tamanna takussaasorujuuvoq.
Monica Samuelsenillu tamanna uppernarsarpaa, taannami nukappiaraalluni inunngornikuuvoq.
Estrella Thomsenip Qaamermeersup, LGBT-Greenland-imeersulllu pissusilersuutit taamaattut aamma uppernarsarpaa.
- Arnaqatiminoortut isiginerlugaanerannik imatut misigisaqarnikuunngilanga. Maanilu anguteqatiminoortut ajornartorsiornerupput.
Angutaagallarami suaartarfigitittarnikuulluni oqaatigaa.
Qulaarpaami unnugu suiaaqatiminoortut eqqartorneqassapput, atuakkiortorlu Niviaq Korneliussen oqallinnermi peqataassaaq.
