Arnaq toqutsisimasutut eqqartuunneqartoq

Arnaq 47-nik ukiulik aapparminik 38-nik ukiulimmik toqutsisimasutut Nuup Eqqartuussiviani sapaatip akunnerani kingullermi eqqartuunneqarpoq.
novembarip 22-at 2011 07:34

Arnap pinngitsuutinneqarnissaa illersuisuata eqqartuussinermi piumasaraa, arnap nassuiaanera naapertorlugu imminut illesorniarluni toqutsinerummat.

Kisianni nassuiaat eqqartuussisumit upperineqanngilaq.

Angutip nassaarineqarfia unnerluussisup piumasaqaataanut tunngavilersuutinut ilaavoq:

- Toqutsineq torsuusami pisimavoq, tassa angut oqortunik atisereerluni inissiamiit anilersoq saassunneqarsimavoq, Sten Brink Jørgensen, eqqartuussinermi uunnerluussisuusoq oqarpoq.

Arnap aappani sakiaatigut savimmik kapigamiuk toqutsinissani siunertarisimagaa unnerluussisup saqqummiussinermini aamma erseqqissaatigaa:

- Savimmik ikussineq sakkortooq angutip toqqutigisimavaa, taamaattumik imminut illersorniarluni kapisinertut oqaatigineqarsinnaanngilaq, siger Sten Brink Jørgensen oqarpoq.

Unnerluussisup piumasaqaataa eqqartuussisumit malinneqarpoq, tassalu arnaq ukiuni arfinilinni pineqaatissinneqarsimasunut inissiisarfimmiittussanngorlugu eqqartuunneqarluni. Arnaq aamma aningaasanik 132.000 koruuninik angutip meeraanut qulingiluanik, 15-inik, 16-inillu ukiulinnut taarsiisussanngortitaavoq. Aningaasat taakku meeqqat tapisiassaraluannut taarsiissutaassapput.

Arnap pineqaasissiissutini akerleralugu Nunatta Eqqartuussivianut suliassanngortippaa.