Arnaq toqutaasimagunarpoq

Nuup ilaani Nuussuarmi eqqumiiginartumik ungasinngitsukkut toqusoqarpoq.

Arnaq toqungalluni nassaarineqartoq kingulleq pillugu Nuummi politiit maanna suliaqarput, arnaq taanna 40-t missaanni ukiulik toqutaasimasorineqarmat, angut toqutsisimasutut pasineqartoq sapaatit akunnerini sisamaagallartuni tigummigallarneqarpoq.

Politimesteriugallartup Morten Nielsenip, nakorsat toqusunik misissuisartut misissuinerminni qanoq paasisaqarsimanersut annertunerusumik aamma itisilerumanngilai.

Arnaq toqungasoq siulleq nassaarineqartoq, 58-nik ukiulik, arnap nassaarineqartup kingulliup nassaarineqarfianiit 100 meteriinnarnik ungasitsigisumi nassaarineqartoq pillugu, nakorsat toqusunik misissuisartut paasisaqarnissaat politiit utaqqivaat.

- Sapaatit akunneri marlussuit qaangiuppata suliamut tassunga tunngasunik immaqa aatsaat paasisaqarsinnaassaagut, Morten Nielsen oqarpoq.

Angut suliamut siullermut atatillugu sapaatit akunnerini sisamanngulersuni tigummigallarneqarpoq.

Politimesteriugallartullu ilanngullugu oqaatigaa, angummut tunngatillugu qanoq pisoqassanersoq ualeru paasisaqarnerussallutik.