Arnaq tarnimigut napparsimasoq decembarimili periarfeerunneqarpoq

Zita Kalia, Tsiilamik taaneqartartoq, decembarip ulluisa 15-ianni inuuissiorluni kingullermik takuneqartoq, Østjyllandip politiivi ilisimatitsipput. Taamanili ujaarineqartoq, ilaqutaasut politiillu ajutoorsimanissaa ernummatigivaat.

Aningaasivik, oqarasuaat angallattagaq atisallu, arnap periarfeerussap pigisai Horsensip umiarsualiviani nassaarineqarput, aqqartartunillu ikiorserluni ujaasisoqarsimagaluartoq politiit aamma ilisimatitsipput. Ujaasinerli maannamut kinguneqarsimanngilaq.

Zita Kalia tarnimigut nappaateqarpoq. Politiit oqarnerat naapertorlugu ilaqutaasut nakorsartinneranilu isumaginnittut imminut toqussimanissaa annilaangatigivaat. Taamaasiornissanimi arlaleriarluni sioorasaarutigisarsimavaa.

Zita Kaliap periarfeerunneqartup nanilertornissaa pillugu Østjyllandimi politiit Kalaallit Nunaanni innuttaasut arlaata Zita Kaliamik attaveqarsimasinnaasut oqaloqatigerusuppaat. Horsensimi politiit oqarasuaammut uunga sianerluni attavigineqarsinnaapput:

0045 7628 1448 - tassa 0045 7628 1448.