Arnaq sinittoq nalusaminik kujanneqartoq
Arnaq 22-nik ukiulik, fiisternermi kingorna aalakoorluni sinittoq, angummit nalusaminit arfininngornerup ullaassaani kujanneqarpoq.
Allattoq Louise M. Kleemann
septembarip 27-at 2010 11:22
Arnaq Centerkollegiami najugaqartoq, Nuummi politiinut nassuiaavoq innalerami inini parnaarsimanagu.
Arnaq fiisternermi kingorna aalakuungaatsiarluni artulersimavoq, taamaattumik pisumut tunngatillugu annertunerusumik eqqaamasaqarnani.
Arnaq politiinut oqarpoq nammineq angut ilisarisimanagu. Arnap sininnerata nalaani angut inaanut isersimavoq arnarlu atisaajarsinnarlugu atoqatigereeramiuk inaa qimassimallugu.
Politiit misissuinerminnut atatillugu DNA-mik nassaarput, taannalu iluaqutigalugu angutip nassaarineqarnissaa neriuutigineqartoq, politiit oqaatigaat.
Ilinniartut najugaqarfianni Centerkollegiami najugaqartut pisumut tunngatillugu arlaannik ilisimasaqarunik Nuummut politiinut saaffiginneqquneqarput.
