Arnaq savimmik toqoriarneqarpoq
Angut 50-nik ukiulik aapparminik ippassaq Nuummi savimmik kapisisoq sapaatit akunnerini sisamani tigummigallagassanngortillugu ullumi Nuup eqqartuussiviani eqqartuunneqarpoq.
Angutip savimmik kapisisimalluni ippassaq nassuerutigaa, Nuummilu politeeqarfimmit oqaatigineqarpoq ernguttoqarnerani toqutseriarneq pisimasoq. Arnap qungatsimigut savimmik kapineqarnini toqqutigingajassimavaa, unnuarlu naallugu napparsimavissuarmi suliarineqareerluni maanna inuunera navianartorsiorunnaartoq oqaatigineqarpoq.
Nuummi politiit tallimanngormat ulappussimaqaat. Arlalinnik annersaasoqarsimavoq, tillinniartoqarsimavoq, inuillu aalakkuttut aqqusinermi takussaasimaqaat. Nuup politeeqarfiani pisortaq Bent Heiselberg oqarpoq akissarsiffiunera assut malunnarsimasoq.
Tasiilami ikuallatsitsisoqarsimavoq, politiillu suliaq ingerlatileruttorpaat. Politeeqarfimmi pisortaq Kristian Sinngertaat oqaluttuarpoq, arnap aalakoorluni illuni petroliumik kuerariarlugu kukussimagaa. Ikuallatsitsinerup nalaani inuit pingasut illumiissimapput. Arnaq ualimut eqqartuussivimmut sassartinneqarpoq sapaatillu akunnerani sisamani tigummigallagassanngortinneqarluni.
