Arnaq savimmik kapisisimasutut ulluni 28-ni tigummigallarneqartussanngortoq
Arnaq 31-nik ukiulik angummik 45-nik ukiulimmik Nuummi pingasunngornermi savimmik kapisisoq pingasunngornermi tigusarineqarpoq. Taanna toqutseriarsimannginnerarpoq.
Kalaallit Nunaanni Politiit toqutsinernik suliani sisamani suli misissueqqissaarput.
Allattoq Malik Brøns
juulip 30-at 2021 13:03
Kalaallit Nunaanni Politiit Nuummi savilersortoqarunartoq pingasunngornermi unnukkut nalunaarfigineqarput.
Angummi Børnehjemsvejimi - H.J. Rinksvejimi kavimmik kapitineqarsimasoq pillugu nalunaaqutaq 21.30 kalerrinneqarput.
Arnaq 31-nik ukiulik tigusarineqarsimasoq Kalaallit Nunaanni Politiit oqaatigaat.
AAMMA ATUARUK Angut Nuummi savimmik kapineqartoq
Arnaq ulluni 28-ni maanna tigummigallarneqartussanngorpoq.
Arnaq tamatuma saniatigut angummik 45-nik ukiulimmik savimmik kapisinermigut toqutseriarsimasutut pasineqarpoq. Politiit paasissutissaataat naapertorlugit pisoq aqqusinermi pivoq.
Angut 45-nik ukiulik inuunerminik navianartorsiunngilaq.
Arnap angummik kapisisimanini nassuerutigisimagaa toqutseriarsimannginnerartorli politiit nassuiaatigaat.
