Pinngitsaaliineq tallimanngormat februaarip ulluisa arfernanni unnukkut qulingiluat missaanni pivoq.
Arnaq 58-inik ukiulik sanngiitsuuvoq, sajunnermik nappaateqartuulluni. Arnaq pinngitsaalillugu arneriffigineqartoq Uumannami napparsimmavimmut nammineq sianersinnaasimavoq, pisorlu politiinut kinguninngua nalunaarutigineqarpoq.
Politiit aqaguani, tassa arfininngornermi, pisoq misissuiffigiartorlugu Saattunukarput. Angut 60-inik ukiulik arnap tikkuarpaa, aamma ilisarisimasarigamiuk. Arnaq angullu Uummanniaanneqarput, miissortissammata.
Angut 60-inik ukiulik inatsit tunngaviusoq naapertorlugu sapaatiummat killisiorneqarpoq. Angut pinngitsuunerarpoq, pinngitsaaliillunili arnerisimasutut pasineqarami ulluni 26-ni tigummigallagassanngortinneqarpoq.