Arnaq qipoqqaat marluk akornanni Australiap avataani kiggisinneqartoq

Arnaq 29-nik ukiulik illoqarfiup Exmouthip avataani aqqarpoq, arferillu marluk akornannut kiggisinneqarluni.
Arnaq taanna najungasuiarpoq qulimiguulimmullu ilaalluni Royal Perth Hospitaliliaanneqarluni. Assi © : Scanpix
Allattoq Ritzau
aggustip 03-at 2020 09:50

Arnaq Australiameersoq Australiap kimmut sineriaani aqqartilluni qipoqqarnit marlunnit kiggisinneqarpoq. Arnaq ajoquserpoq napparsimmaviliaanneqarlunilu. Peruluttut inaannut inissinneqarpoq, pitsassiartortorli nalunaarutigineqaat.

Australiap kimmut sineriaani koraalit ikkanninnguunnikut ilisimaneqarluartut akornanni Ningaloo Reefimi aqqartilluni arnaq qipoqqaat marluk akornannut pisoorpoq, tassanilu ajoquserluni.

Australiami nutaarsiassaqartitsivik 7News taama allaaserisaqartoq Ritzauip aamma allaaseraa.

Arnaq 29-nik ukiulik illoqarfiup Exmouthip avataani aqqarpoq, arferillu marluk akornannut kiggisinneqarluni.

Arnaq taanna najungasuiarpoq qulimiguulimmullu ilaalluni Royal Perth Hospitaliliaanneqarluni.

Inuit allat arnap ajoqusertup saniatigut aamma ajoqusertut Australiami nutaarsiassaqartitsiviup allaaseraa.

Inuimmi allat nakorsanit aamma passunneqartariaqarsimapput.

Qipoqqaat 11 aamma 19 meterit akornanni takissuseqarsinnaapput, 40 tonsillu angullugit oqimaatsigilersinnaalllutik.