Arnaq Grønvold Sullivinni Nakkutilliisoqarfimmi pisortaq, arnaalluni qaffasissumik atorfeqarneq qanoq ullutsinni innersoq, ullumi Arnat Ulluanni paasiniaaffigaarput.
- Pisortatut ineriartortitsisinnaanermillu sulineq nuannaraara.
Arnaaneq qaffasissumillu atorfeqarneq ajornanngilaq inuttullu ineriartortuarnissaq aammalu suleqatit akornanni ineriartortitsiuartarnissaq pingaaruteqartoq Arnaq Gørnvold oqarpoq.
Arnaq Grønvold tarnik pissusaannik ilisimasalittut ilinniagaqarpoq. Arnaq Grønvold-ip arnaqatini qaffasissumik atorfeqarusuttut kaammattorusuppai anguniagartik anguniaqqullugu, qaffasissumik atorfeqarluni unammillernartuummat inuttullu pissarsinarluni.