Arnaq pulateriaarsummik uinippoq
Indiami arnaq pulateriaarsummut asannilersoorsimavoq, naggataagullumi katissimallugu. Arnap uisaava pulateriaarsuk pularteriaarsunnut kobranut ilaavoq toqunarluinnartuullunilu.
Inuit 2.000-it katittorsiornersuarmut qaaqquneqarsimapput, arnarlu katittoq Bimbala, oqaatigineqarpoq Indiamiut arnartaasa assuutaannik siilikiusumik sari-qarsimasoq. Pulateriaarsuk Hindut upperisaannut ilaalluinnarmat hindut palasiunerpaalussui katittorsioqataasimapput.
Uisaarli pulateriaarsuk katittorsiornermut peqataasimanngilaq, uniaaluit inaanni inigisaminiittoq tigoriarneqarsinnaasimanngimmat.
Arnaq Bimbala pulateriaarsummut asannilersimavoq, nappaateqarnermi nalaani peqqisserusulluni immummik pilliutigisartakkani pulateriaarsuup nungullugit saassussinanilu imertarsimammagit.
Indiami arnat uumasunik uinittarnerat naliginnaasimavoq, tassami Bimbalap najuqarfiata qanittuani najugaqarpoq arnaq qimmiminngooq uilik.