Arnaq panialu nassaarineqarput
Arnaq, Aalborgimi Politiinit ippassaq ujarneqartoq, ajunngitsoq nassaarineqarpoq.
Allattoq Carla Davidsen
Aviisimi Ekstra Bladet-imi tamanna allaaserineqarpoq.
Panini sisamanik ukiulik, kræfteqarluni Danmarkimut suliaritikkiartorsimasoq, ilagalugu arnap nikallungalluni najukkani qimassimavaa.
Ataataasoq ernumalluni politiinut saaffiginnippoq. Ujaasinerli tusareerlugu ilaqutaasut politiinut attaveqarput, arnaq panialu ajunngitsut nalunaarutigalugu.
Politiit annertunerusumik oqaaseqarusunngillat, arnarli paninilu ajunngitsut taakku aamma ilisimatitsissutigaat.