Arnaq Malaysia-miu qalasersualialersoq

Arnaq Malaysia-meersoq qalasersuarmut avannarlermut 2007-imi kisimiilluni ilisimasassarsiornialerpoq.

Arnaq taanna Malaysiamiu Datin Kadirs timikkut pissassarluni aallartereerpoq, ilaatigut aallaammik nakersaleruttorpoq nalunnguartarlunilu. Oqaatigineqarporlu aallaammik Magnum 44-mik nakerseriivissimasoq, taamaalillunilu nannumik naapitseriataassaguni imminut illersorsinnaalerunarluni.

- Immami 32 gradinik nillertigisumi nalunnissara aamma sungiusarpara, aamma tallimanik qaleriiaanik atisaqaatigalunga immamit pitarneqarsinnaanngitsunik attallaaqarlunga nalunneq ilinniarpara. -Imaassinnaavormi tatsimik nillertumik aqqusaagaqartussanngortunga nalunnguartariaqalerlungalu, arnaq Malaysiamiu oqarpoq.

Arnaq taanna ilisimatusarfimmi ilinniartuuvoq, taassuma neriuutigaa ilisimasassarsiornini eqqarsariaatsikkut misigissutsikkut timikkullu assorornerup tungaatigut nutaanik paasisaqarfigissallugu.

- Timikkut ilungersuanerup pianik tassa taakku sunnerneqarnerpaajusartut tamannarpiarlu pillugu ilisimasassarsiorniarpunga, arnaq nassuiaavoq.

Tarnikkut nalunngissutsinni piareersimavunga, sulili qaammatit qulit piareersarfissarigakkit taama qulanngitsigalunga oqarusunngikkallarpunga, arnaq Malaysiamiu naggasiivoq.