Arnaq kalaaleq 45-inik ukiulik Korsørimi toqutaasimavoq

Sjællandi kujataani Lolland-Falsterimilu politiit angut 40-inik ukiulik toqutsisutut pasillugu tigusaraat. Angut pasineqartoq tallimanngormat arnap toqutaasup nassaarineqarnerani tigusarineqarpoq. Savik toqutsinermut atorneqarsimasutut pasitsaanneqartoq politiit nassaarisimavaat. Angut toqutsisimasutut pasineqartoq, eqqartuussivimmi Nykøbing Falsterimi tallimanngormat sassartinneqarami toqutsisimasutut pinngitsuunerarsimavoq. Angut toqutsisimasutut pasineqartoq, arnap toqutaasup aapparivaa, taannalu toqutsisimasutut politiinit pasineqarpoq. Politiit pisortaata tulliata Johannes Skree-Lassenip arnap toqutaasimaneranik paasissutissanik annertunerusunik oqaaseqarusussimanngilaq, nutaarsiassaqartitsivik ritzau taamatut allaaserisaqarpoq. Angut 40inik ukiulik toqutsisimasutut pasineqartoq, arnap toqutaasup najugaqarfiata eqqaani najugaqarpoq.