Arnaq inuusuttoq qiungajappoq
Fiistialaarneq alianartumik Ilulissani kinguneqangajappoq. Aappariit sapaammi ullaakkut Sermermiut tungaannut pisussuartillutik arnaq inuusuttoq apummi nalasoq siumorpaat.
- Arnap 18-nik ukiullip timaa nillorsimaqaaq erngerlunilu napparsimmavimmut unitsinneqarpoq kissasserneqarlunilu. Pisumi uani pinerluttuliortoqarsimanngilaq. Arnarli inuusuttoq alakoorsimaqigami tammartajaarsimavoq. Qujanartumik oqorsarluarsimavoq, Ilulissani politiit ittuat Søren Rønnow KNR-imut oqarpoq.
Sapaammi ullaakkut Ilulissani qulit 13-illu akornannik issippoq. Aappariit erngerlutik politiit kalerrissimavaat taakkulu annaassiniartartunik napparsimmavimmiit aggersaangasuarsimapput.