Arnaq inissiani quleriinni siullermiit milorujunneqartoq
Tallimanngormat Qaqortumi arnaq inissiani quleriinni siullermiit milorujunneqarnerata kingorna angut tigusarineqarpoq.
Allattoq Kenneth Elkjær
Nutserisoq Mads Pedersen
Tallimanngormat unnukkut nalunaaqutaq arfineq-marluk qeqqartoq Qaqortumi politiit nalunaarfigineqarput inissiat quleriit ilaannit arnaq milorujunneqarsimasoq. Politiit tusagassiutinut nalunaarummi allapput.
Politiit pisoqarfiusumut apuukkamik angut 30-t misssaanni ukiulik tigusarisinnaasimavaat persuttaasimasutullu unnerluullugu.
Pasineqartoq arfiningormat killisiorneqareerluni ulluni 28-ni tigummigallagassanngortinneqarpoq.
Arnaq pineqartoq nakorsiunneqarsimavoq inuunerminillu ulorianartorsiorani.
Politiit pisoq suli paasiniarpaat.