Arnaq ikiaroornartumik eqqussisimasutut eqqartuussaavoq

Arnaq 23-nik ukiulik ikiaroornartumik hashimik anngiortumik eqqussisimasutut, qaammatini qulini pineqaatissinneqarsimasunut inissiisarfimmiittussanngorlugu eqqartunneqarpoq.
Allattoq Elisa Isaksen
novembarip 16-at 2009 15:33

Arnaq qammatit arlaqanngitsut matuma siornagut ikiaroornartumik 2 kiilumik nassataqartoq tigusarineqarineqarpoq. Ikiaroornartoq tuniniarneqaruni 2 millionit koruuninik iluanaarutaasimassagaluarpoq. Unnerluussisut qaammatini aqqaneq-marlunni pineqaatissinneqarsimasunut inissiisarfimmiinnissaa piumasarigaluarpaat, qaammatinili qulini inissiisarfimmiittussanngorlugu eqqartuunneqartoq, Sermitsiap nittartagaani allaaserineqarpoq.

Innuttaasunit saaffiginninneq tunngavigalugu arnaq 23-nik ukiulik politiinit tigusarineqarpoq. Arnaq naak suliffeqanngikkaluarluni isertitaqarnerlu ajoraluarluni, aallaqattaartuuvoq pasinarsinnaasumillu pigissaartutut inooriaaseqarluni.

Arnaq septembarimili tigusarineqartoq, Ilulissat eqqartuussivianni ullumi eqqartuussaavoq.