Arnaq hashimik iioraasimasoq tigusarineqarpoq

Arnaq ikiaroornartumik hashimik manniusanngorlugit poortorsimasanik 30-t 40-llu akornanni amerlassusilinnik naarmioqartoq, Ilulissani politiit, tallimanngormat tigusaraat.
Allattoq Najaaraq Egede
maajip 31-at 2010 11:00

Arnaq 50-it missaannik ukioqartoq hashimik katillugit 380 gramminik oqimaassusilimmik naarmioqarsimavoq, hashilu taanna annertujaartutut, Ilulissani politeeqarfimmi pisortap Kasper Berthelsenip oqaatigiumavaa.

Arnaq hashimik anngiortumik eqqusseriartutut misissortariaqarnerarlugu politiinut siarnutigineqarsimavoq.

Arnaq mittarfimmut tikimmat tigusarineqarpoq napparsimmavimmilu tarrarsortinnissaa piumaqarineqariarmat misissorneqarpoq.

- Napparsimmavimmi misissorneqarnerani pissusissamisuunngitsumik naarmioqartoq paasineqartoq, Kasper Berthelsen oqarpoq.

Arnaq angalaqataalu arnaq alla tigusariaqarput. Arnalli angalaqataa kingorna iperarneqarpoq, politiit arnaq taanna anngiortumik hashimik eqqussinermut attuumassuteqarsorinngimmassuk.

Arnaq hashimik naarmiulik sapaatip tungaanut tigummigallarneqarpoq, tassami naavaniittut anillaqqaartussaammata.

Arnap hashimik eqqusseriarnermut atatillugu allanik suleqateqarsimasinnaanera politiit qulakkiivillugu maannamut paasinngilaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq