Arnaq B. Egede arsallammattut toqqagaavoq

NÛKmi siukkaq ulorianarluinnartoq Arnaq B. Egede arsallammattut toqqarneqarpoq illup iluani arsaalluni arnat GM-qarnerat naammassineqarmat. Arsallammanngornerani toqqaasuupput klubbit peqataasut.

Dommerit aamma toqqaapput arsalerillaqqinnerpaatullu toqqarpaat Karen Skifte I-69 Ilulissaneersoq aammalu dommerinit sukataallammattut toqqarneqarpoq Camilla Olrik Maniitsumi Aqissiameersoq.

Holdit peqataasut tamarmik aamma taasiffissamik tunineqarput tassani toqqarsinnaallugit ukiup iligiivini tallimanik arsartulimmi kikkut piukkunnarnerunersut. Toqqarneqartullu tassaapput:

Aquttoq: Laila Siegstad, I-69, Ilulissat

Kingukkaq: Camilla Olrik, Aqissiaq, Maniitsoq

Kingukkaq: Tobiasine Abelsen, NÛK, Nuuk

Siukkaq: Apollonia Kreutzmann, B-67, Nuuk

Siukkaq: Arnaq B. Egede, NÛK, Nuuk

Laila Platou NÛK unammersuarnerni isertitsinersaavoq kajumissaasigassatullu klubbinit peqataasunit toqqarneqarpoq Rikki Biilmann, B-67 Nuummeersoq.

Holdit peqataasut aamma toqqarpaat dommeriulluarnerpaaq tassanilu Daniel Jakobsen Nuummeersoq toqqarneqarpoq. Aaqqissuinermi ulapaaqisut Susanne Kreutzmann Malmros, Ane Mettea Fontain aamma Riikke Biilmann aamma kajumissaaserneqarput.

Unammersuarnerni pingaarnersiuilluni aallakaatitassiaq ataasinngornermi unnukkut nalunaaqutaq 20.00 aallakaatinneqassaaq.