Arnaq arpatsilluni tuttorsuarmit malersorneqartoq
Arnaq taanna Norgimi illoqarfimmi Kongsvinger-imi arpatsilluni tuttorsuup tunuminit malikkaani arajutsisimavaa. Tassanngaannarli tuttorsuup niaqquni arnap arpattup tuianut inissippaa.
- Oqarasuaatip angallattakkap nipilersuutitaanik tusarnaajutigalunga arparujoorpunga, taamaattumillu tuttorsuaq qanillattortoq maluginngitsoorlugu, aatsaallu niaqquni tuinnut tutsimmagu malugilerpara, Norgimioq aliikkutaralugu arpattartoq Norgimi radiumut taama oqaluttuarpoq.
Orpiit akornannut imminut miloriussimavoq, taamalu tuttorsuarmit nanertorneqarnissami pinngitsoorlugu, taamaallaallu imminut miloriunnermini kimillatsitersimalluni.
- Tuttorsuup piaraqarunarami saassuppaanga, arnaq oqarpoq.
- Tuttorsuup niaqquni tuinnut tutsimmagu annilaaqaanga tupallungalu. Kisianni arpattarnera unitsinnavianngilara, arnaq Norgimioq naggasiivoq.
