Arnaq angutinit pingasunit pinngitsaalineqartoq
Arnaq 23-nik ukiulik Ilulissani najugalik, angutinit pingasunit arfininngornerup unnukkuani pinngitsaalineqarpoq.
Allattoq Louise M. Kleemann
Angutit pingasut 25-t 26-llu akornanni ukioqartut, pinngitsaaliisimasutut pasineqarlutik politiinit tigummigallagassanngortinneqartut, Ilulissani politiit pisortaat Preben Markvardsen oqarpoq.
Pinngitsaalinermut atatillugu arlalinnik takunnittoqarsimasoq Ilulissani politiit ilanngullugu oqaatigaat. Angutit pingasut eqqartuussivimmut ualimut sassartinneqassapput.
Arnap pinngitsalineqarsimanera nakorsap misissuineranit uppernarsineqarpoq.