Arnaq angummut savilersortoq ukiuni pingasuni pineqaatissinneqarpoq

Arnaq pisup nalaani 22-nik ukioqartoq, taamanikkut inooqatigisaminut angummut 46-nik ukiulimmut savimmik marloriarlugu kapisisimanermi kingorna tigusarineqarpoq.

Angutip kilerneri marluk inuuneranik navianartorsiortitsisimanngillat. Pisumut atatillugu oqaatigineqarpoq inooqatigiit taakku sivisuumik isumaqatigiinngillutik inuusimanerata savilersorneq kingunerisimagaa.

Arnaq Narsami eqqartuussisumut ippassaq sassartinneqarpoq, inummik toqutseriarsimasutut unnerluutigineqarluni. Pisuutinneqaramilu ukiuni pingasuni Pinerluuteqarsimasunut Inissiisarfimmiittussanngorlugu pineqaatissinneqarpoq.

Arnalli aalajangiineq taanna Nunatta Eqqartuussivianut suliassanngorteqqippaa. Arnaq 23-nik ukiulik toqutseriarsimasutut nassuereerput, isumaqarporli iliuutsini pillugu ukioq ataaseq sinnernagu isertitsivimmiittussanngortinneqartariaqarluni.

Arnaq Qaqortumi isertitsisarfimmi tigummigallagaavoq.