Arnaq aapparminut savilersortoq tigummigallarneqartoq
Politiit Nuummi Qapiarfiusaami, Raadiop qaqqaani savimmik kipisisoqarsimanerarlugu arfininngornermi ualikkut aggersarneqarput.
Politiit orniguffianni aappariit angut arnarlu oqqassimasut paasineqarpoq.
Arnaq angut sakiaatigut savimmik kapisimagaa pasineqarluni tigusarineqarpoq. Angut inuunerminik navianartorsiunngitsoq, upalungaarsimasut ittuat, Malik Olsen paasissutissiivoq.
Pisumik isiginnittoq KNR-ip oqaloqatigisaa naapertorlugu, angut nammineerluni ambulancenukarsinnaasimavoq.
Arnaq sapaatini akunnerni tulliuttuni tigummigallarneqartussanngorpoq. Taanna sapaatiummat inatsit tunngaviusoq naapertorlugu killisiorneqarpoq, toqutseriartutullu pasineqarnini peqqutigalugu ulluni 23-ni tigummigallagassanngortinneqarluni.
Pisup nalaani imigassaq ikiaroornartorluunniit atorneqarsimanersoq politiit maannakkuugallaq oqaatigerusunngilaat.
en.