Arnaq aapparminik persuttaasoq tigusarineqarpoq
Arnaq 39-inik ukiulik aapparminik persuttaasoq Aasianni politiinit arfininngormat tigusarineqarpoq, ullunilu aqqaneq-marlunni tigummigallagassanngortinneqarluni.
Allattoq Jaaku Lyberth
Arnaq siornatigut aapparminik allanillu persuttaasarsimasutut
politiinit ilisimaneqarpoq.
Arnaq Aasiaat eqqartuussivianni sapaatiummat killisiorneqarpoq, ataavartumillu persuttaasarnini tunngavigalugu ulluni aqqaneq-marluni tigummigallagassanngortinneqarluni.
Arnaq sisamariarluni persuttaasarsimasutut ataasiarlunilu sioorasaarinimasutut unnerluunneqartussanngorpoq, pisuutinneqassanersorlu eqqartuussineq naammassippat paasinarsissaaq.