Arnaq aalakoortorujussuulluni Nuummi Qinngutsinni kamarujussuartoq
Arnaq aalakoortorujussuulluni Nuup pigisaani Qinngutsinni ullaap tungaani angerlarsimaffimmini kamarujussuarpoq.
Nuup Politiivini piareersimasuusoq, Gedion Qvist taama oqaluttuarpoq.
Allattoq Simon Uldum
Inissiami igalaaminernik aserorterisoqarneratigut, arnap saniliisa angerlarsimaffimmi perulluliortoqarnera paasivaat.
Matu ammarneqarmat, nateq aarasaarpoq, kingornalu paasineqarpoq arnap qimmia igalaaminernut kilersimalluni nateq aatsersimagaa.
Politiit arnaq qaatusseriartortillugu politeeqarfiliaappaat, unioqqutitsisimanngimmalli ullup ilaa iperagaajumaarpoq.
- Qimmeq ajoqusersimasoq ilaqutaasunit maanna paarineqarpoq, Gedion Qvist Nuup Politiivineersoq eqqissisaalluni oqarpoq.