Arnaq 35-nik ukiulik suli Qaqortumi maqaasineqarpoq: Politiit paasissutissanik amerlanerusunik perusuttut
Peerstat Isaksen, 35-nik ukiulik suli nassaarineqanngilaq.
Arnaq maqaasineqartoq sisamanngormat politiit nalunaarutigaat. Tamatuma kingorna politiit qatserisartut kiisalu Arktisk Kommando ikiortigalugit Peerstat Isaksen Qaqortumi sulerisimanersor paasinialerpaat.
Peerstaat Isaksen. Foto: Grønlands Politi.
Politiit paasisaat naapertorlugit taanna ataasinngornermi 22. novembari nalunaaqutaq 10.00 - 11.00-p nalaani kommunep allaffiata eqqaani kingullermik takuneqarpoq.
Politiit aamma allapput, unnuk taanna arnaq Tasersuup aqqutaatigutut nalunaaqutaq 23-p missaani illoqarfiup tungaanukartoq Brugseneeqqap eqqaani takuneqarsimasoq ilimagilluinnarlugu.
AAMMA ATUARUK Qaqortoq: Politiit arnap ujaarineqarneranut atatillugu innuttaasunit ikioqqupput
Taammaammat ataasinngornermi 22. novembari nalunaaqutaq 11.00-ip 23.00-illu akornani Peerstat Isaksen-ip sumiissimanera pillugu annerusumik paasisaqarusupput.
- Innuttaasut suliffeqarfiilluunniit Peersaat Isaksen-ip sumiissimanera pillugu paasissutissanik ilisimasaqarunik, imaluunniit sumiissinnaanera pillugu ilisimasaqarunik, piaartumik Kalaallit Nunaanni Politiit oqarasuaat 701448 atorlugu nalunaaqquneqart, Kalaallit Nunaanni Politiit allapput.
Illuaqqat, naqqup-ilui biilillu alakkartersigit
Politiit, Issittumi Sakkutooqarfiup, qatserisartullu Peersaat Isaksenimik ujaasinertik unitsippaat, ujaasinermili nutaanik paasissutissarsisoqarneratigut ujaasineq aallarteqqinneqassasoq paasissutissiissutigalugu.
Kalaallit Nunaanni Politiit qatserisartut kiisalu Arktisk Kommando ikiortigalugit ujarlernertik nangippaat.
Peerstaat Isaksen Qaqortumi illuaqqani, naqqup-iluini biilinilu alakkarteqqullugu, innuttaasut arfininngormat politiit kaammattorpaat.
Taannami aalajangersimasumik angerlarsimaffeqannginnami nalinginnaasumik sumiiffinni assigiinngitsuni, ikinngutimini ilaquttaminilu unnuisarpoq.
Taamaammat taanna arlaanni inoqarnngikkajuttumiissinnaanera ilimanarsinnaavoq.
Paasissusitissat Peerstaat Isaksen-imut tunngasut:
- 35-nik ukioqarpoq
- 155 cemtimterit missaanni angissuseqarpoq
- Nerinnattuuvoq.
- Qorsummik taartumik jakkeqarpoq, aappilrujuttumik tuluujuaraqarpoq, qernertunik qarleqarpoq kiisalu tunguusanik skooqarluni.