Arnaq 3.000 koruuninik tilliffigitittoq
Arnaq 55-nik ukiulik ataasinngornerup ullaassaa peqqarniitsumik tilliffigineqarpoq.
![](/sites/default/files/styles/image_934x467/public/article_images/politiskilt2_630_22.jpg?itok=rtVFg3TU)
Allattoq Noah Mølgaard
Arnaq 55-nik ukiulik porskip ulluata aappaata ullaassaani nalunaaqutaq 02.15 angummit kinaagaluarnersumit taskiminik tilliffigitippoq Aqqusinersuakkut Butik Nivip eqqaatigut pisutsilluni.
Arnaq taskimini 3.000 koruuninik nassataqarsimavoq. Taskia kajortoq qaamasuuvoq angullu tillittoq Videocenterip tungaanut tarrissimasoq, Nuup politiivi nalunaarput.
Arnap tilliffigitittup angut imatut isikkoqarnerarpaa: Angut 170 centimeteri. Tungujortungasumik kavaajaqarpoq, qernertunik qarleqarluni qaamasunik kameqarpoq.
Takunnissimasinnaasut imaluunniit arlaannik paasissutissaatillit Nuup politiivinut saaffiginneqquneqarput oqarasuaat 32 14 48 atorlugu.