Arnap timaa Vivi Inger Kristianseniusoq uppernarsineqarpoq

Kalaallip arnap 31-nik ukiullip, Vivi Inger Kristiansenip, timaa Danmarkimi Sjællandimi Ringstedip avannaatungaani orpippassuarni assaanneqarsimasoq tallimanngormat nassaarineqartoq maanna uppernarsineqarpoq.
maajip 05-at 2009 09:17

Kigutai misissorneqarmata toqungasup timaa kinaassusersineqarpoq, suliarlu toqusinertut maanna misissorneqalerpoq, Sjællandip Qeqqani Kitaanilu Politiiniit misissuinermi pisortaq, René Frederiksen, ilisimatitsivoq.

Vivi Inger Kristiansenip suna toqqutigisimaneraa suli paasineqanngilaq.

Vivi Inger Kristiansen siorna juulip ulluisa qulingiluaanni periarfeerunneqarpoq. Qulimiguullit qimmillu atorlugit politiit ujaasigaluarput, Ringstedimilu kuup eqqaa annertoorujussuaq ujaasiffigineqaraluarput.

- Ringstedip illoqarfittaa taamani ujaasiffigineruarput. Orpipassuit toqungasup timaanik nassaarfigineqartut ujaasiffigineqanngillat, René Frederiksen oqarpoq.

Orpippassuit Ringstedimiit kilometerinit tallimat-arfinillit missaannik ungasitsigisumiipput, illoqarfimmiillu orpippassuit tungaanut aqqut narluinnartuulluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq