Arnap apummi nassaarineqartup toqqutigisaa paasineqartoq

Arnap Sisimiuni toquneranut atatillugu pinerluttoqarsimanngitsoq, Kalaallit Nunaanni Politiit paasissutissiipput.
Ilaqutaasut eqqarsaatigalugit toqqutigisaanut atatillugu annerusumik paasissutissiisoqarsinnaanngitsoq, Kalaallit Nunaanni Politiit paasissutissiipput. Assi © : Pressefoto/Rigspolitiet
februaarip 23-at 2021 11:24

Sisimiuni tammaaneqartoq, Pauline Kleist sapaatip akunnerata naanerani nassaarineqarpoq.

Taanna januaarip ulluisa 22-annili tammaaneqalerpoq.

Arnaq apummik matoorsimasoq innuttaasumit nassaarineqarpoq. Toqusup timaanik ippassaq misissuineq tunngavigalugu pinerluttoqarsimanngitsoq politiit maanna inerniliuppaat.

Kalaallit Nunaanni Politiit tugassiuutinut taama nalunaaruteqarput. Taamaammat suliaq matuneqarpoq.

AAMMA ATUARUK Sisimiuni arnaq ujaarineqartoq toqungasoq nassaarineqartoq

69-inik ukiulik, Pauline Kleist Sisimiuni kingullermik januaarip ulluisa 19-ianni nalunaaqutaq ualikkut pingasut missaanni takuneqarpoq.

Arnap ujaarineqarnerani timmisartuaqqat ungasianiit aquttakkat, qamuteralaat umiatsiaaqqallu atorneqarput. Politiit Sisimiuni innuttaasunit januaarip qaammataani ujaasinermi aamma ikiorneqarput.

Ilaqutaasut eqqarsaatigalugit toqqutigisaanut atatillugu annerusumik paasissutissiisoqarsinnaanngitsoq, Kalaallit Nunaanni Politiit paasissutissiipput.