Arnanngooq niivillaqqinnerupput
Niivernermi piginneqataassutsit pineqartillugit arnat angutinut sanilliullugit tuniniaallaqqinnerusartut, misissuinerup nutaap USA-mi nunanilu avannarlerni misissorneqarsimasup paasinarsisikkaa, Dansk Aktionærforeningimit tassa naalisarlugu DAF-imik taaneqartartumit nalunaarutigineqarpoq.
- USA-mi misissuisoqarnerani klubbit piginneqataassutsinut klubbiusut angutaannarnillu ilaasortaqartut, kiisalu klubbit arnaannarnik ilaasortallit taamatuttaaq angutit arnallu akuleriillutik klubbii misissuiffigineqarput.
- Klubbit arnaannarnik ilaasortallit tuniniaallaqqinnerpaasutut angusaqarput, DAF-mi pisortaq Claus Silfverberg ullumi taama oqarsimanerarneqarpoq.
Angutilli arnanut sanilliullutik piginneqataassutsinik tassa aktienik tuniniaanermut tunngasunik ilisimasaqarnerujussuartut imminnut aamma naatsorsuuttarput, tamanna bankit annerit ilaata Nordeap nunani avannarlerni aningaasaliissuteqartarneq pillugu misissuisitsinerani paasineqarsimavoq.
- Arnat tuniniaallaqqissorujussuupput, mianersortumik periuseqaqqaartarput, imminnut apereqqaarajuttarput ”sapinngilara?” taava periuseq meeraanermiit ilikkarsimasartik malillugu paasisaqaqqaarumallutik ilitsersuut atuaqqaartarpaat, akerlianik angutit Tarzanip periusaanut eqqaanartumik periuseqarnerusarput soorlu oqarlutik ”Taamak sapernartiginngilaq”, Niiverneq pillugu misissuisitsinermi Dansk Aktionærforeningimi pisortaasoq Claus Silfverberg oqarpoq.
