Arnanik arpatsitsinersuaq iluatsilluartoq

Atuagassiaq arnanut ullumikkut illoqarfinni assigiinngitsuni arpartitsilluni aaqqissuussivoq. Arpatsitsinermut siunertarineqarpoq arnat aqqusinermi takussaanerulernissaat. Arnat inuuneq pillugu arpapput – peqqinnerulernissaq iluarisimaarnerulernissarlu anguniarneqarlutik.

Arnanuni aaqqissuisuusup Inga-Dora G. Markussen-ip tupaallaatigaa taamak amerlatigisut peqataammata.

-Assut nuannerpoq Naape piareersarluarsimammat, aamma Vivian Motzfeldt-i sineriak tamakkerlugu ataqatigiissaarisuusoq sulilluarsimavoq, taamaammat suleqatigiinneq nuanneq!

Inga-Dora G. Markussen-ip naatsorsuutigisimanngikkaluarpaa peqataasut taamak amerlatiginissaat.

-Ataatsip qeqqa aallartiffissatsinnut pigama sila nittaalaarluni nillikujuttoq ilimasunngikkaluarpunga, siulliillu takkuttut oqarfigaakka, immaqa taakkuinnaalerluta, akivaanngali takkukkumaartut.

Illoqarfinni ataasiakkaani ajugaasut arpaatinik akissarsitinneqassapput, ukiumullu ataatsimut atuagassiamik Arnanut-mik pisartagaqarnissamik aamma akissarsitinneqassallutik.

Arpannissaagaluit Sisimiuni Aasianni Kangaatsiamilu silap ajornera pissutigalugu aqagumut kinguartinneqarput. Qassiarsummi aamma arpannissaagaluaq unitsiinnarneqarpoq, sulili qaqugu arpatsitsisoqassanersoq aalajangiunneqanngilaq.

Nuummi Qaqortumi Narsami Paamiuni Upernavimmilu arnat arpattut katillugit 275-it peqataasimapput. Ilulissaniit Uummannamiillu arpattut amerlassusaat suli pissarsiarineqanngillat, Arnanunilu aaqqissuisup ilimagaa ullumikkut arnat 400-t missaanniittut nunarput tamakkerlugu arpassimassasut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat