39-nik ukiulik sukkaniuttartoq tv-millu suliaqartartoq, Jessi Combs sukkanerpaaffiusimasumik qaangeeriarnermini ajunaarpoq.Assi: Phil Mccarten/Reuters/Ritzau Scanpix

Arnani sisamanik assakaasulimmik biililinni sukkanerpaaq toquvoq

Amerikamiu Jessi Combs sisamanik assakaasulinnik atuinermi akunnermut 823 kilometerimik sukkanerusumik rekordiliiniartilluni ajunaarpoq.

Amerikamiu, 39-nik ukiulik Jessi Combs sukkanerpaaffiusumik qaangeeriarnermi pingasunngornermi ajunaarpoq.

Amerikamiup Jessi Combsip nuannarinnittunit sisamanik assakaasulinnik atuinermi sukkanerpaatut isigineqartoq arnani nunarsuarmi sukkanerpaaffiunikumi tassa akunnermut 823 kilometerinik sukkassuseqarneq qaangeriaraluarpaa.

Sukkassutsimik qaangeeriarnera inoqajuitsumi Alvord Desertimi naalagaaffimmi Oregonimi pivoq, tassanilu nammineq 2013-imi sukkanerpaaffiginikuusani qaangeriaraluaraa, illoqarfiup politiivi tusagassiuutinut nalunaarummi allattut nutaarsiassaqartitsivik AP allaaserisaqarpoq.

Jessi Combsip nammineq 2013-imi sukkanerpaaffiginikuusani qaangeriaraluarpaa. Tassanilu Jessi Combsip biili sukkaniussutissiaq immikkut sanaajusoq atorpaa akunnermullu 641 kilometerinik sukkassuseqarluni.

Jessi Combsip annaasaqarnertik ilaqutaasa tusagassiuutinut nalunaarummi allaaseraat.

- Jessip arnani nunarsuarmi sukkanerpaanissaq takorluugaraa. Takorluugaq taanna 2012-imili anguniagarilerpaa.

- Takorluukkamik piviusunngortitsinissamut sapiissuseqarneq Combsip allat amerlanngitsut assigalugit anguniarpaa, oqaluttuarisaanitsinnilu arnanit allanit sukkanerulluni nunarsuarput qimappaa, Jessi Combsip ilaqutai allapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat