Arnani maskinanik angisoorsuarnik aaqqissuussisartut siullersaat
Aili Paneeraq Pedersen misilitsinnermini kusanarluinnartumik karakterilerneqarpoq, tassa 7-imik tunineqarami.
Misilitsinnermini siullermi suliaa tassaavoq, maskinarsuit hydraulikkii aamma innaallagissamut aqqutaat. Misilitsinnerminilu tullermi suliaraa, maskinarsuit motooriisa aaqqissuunneqarnissaat.
Aili Paneeraq Pedersen upernaarli misilitsittussaagaluarpoq, nunarsuatsinnili qeqertaaqqat unammiuaarnissaannut, Island Gamesimut aasaq peqataasussaanini pillugu, ukiaq manna septembarimi aatsaat misilitsippoq.
- Ilinniarnerma nalaani arsaannermik sungiusarnissara piffissaqarfigivallaarsimanngilara, maanili Danmarkimi ilinniaqatima tamanna paasilluarlugu arsaateqatigisarpaannga arpaqatigisarlungalu, nittartakkamut Nordjyske.dk-mut, Aili Paneeraq Pedersen oqaluttuarpoq.
Nittartagaq malillugu Aili Paneeraq Pedersen Nunatsinnut utissaaq ilinniartuuffigisaminilu suligallassalluni.