Arnaatini annersarlugu najungasua napivaa
Arnaq 32-nik ukiulik Qaanaami tallimanngornerup arfininngornerullu akornanni unnuami napparsimmavimmut unitsinneqarpoq angutaatinilu annersaannermik kingorna najungasuiarsimalluni.
Allattoq Najaaraq Egede
Arnaq angutaatiminit 25-inik ukiulimmit annersarneqarsimavoq.
Angut 25-nik ukiulik maanna tigummigallarneqarpoq.
Qaanaami politiit sinnerlugit Flemming Lautizen oqarpoq, napparsimmavimmi sulisut angut politiinut oqaatigisimagaat. Arnaq 32-nik ukiulik , annersarneqarnermi kinguneranik najungasuiarsimanini pullattoorninilu pillugit suli napparsimmavimmi uninngavo, inuunerali navianartorsiunngitsoq oqaatigineqarpoq.
Angut 25-nik ukiulik annersaasimanini pillugu ulluni 14-ini tigummigallarneqarpoq. Angut arnarlu tamarmik imigassamik aalakoornartutorsimatillugit annersaaneq pivoq.